‘’O SPECCHIETIELLO
M’aggio accattato nu’ specchietiello
Pe’ nu’ ‘nfamone ca’ passa ca’ cca,
stu’ specchietiello che tanto aggarbato
si vuje vulite vo’ faccio vere,
io sto’ ‘mpuntato ca’ fore ‘o palazzo,
cu’ sta’ lastrella m’e l’aggio attira’,
ma isso ‘e caputo, nun saglie,ne’ scenne,
sule m’arrapasse e’ po’ se’ ne’ va’ !
Gue’ sole ‘nfamone pecche’ nun te’ firme ?
Nun vi’ ca te’ cerco e te voglio acchiappa’ ?
‘E fermete jamme, scinne da ‘ loggia
scarfeme e’ vasce che stanne ‘a muri!
Tu’ invece me’ sfutte e’ po’te ne fuje,
‘e rerene me dice e' tarde nun cerca' e me'
ferma’ !
Gue’ sole da’ vita , che me staje ‘a cunbina’ !
Quante’ si’ bello sole cucente;
Ca mentre te’ veco gia’ tu lla’ nun ce’ staje.
Pare n’’a scigna , sempe ca’ zumpe,
sempe ca’ strisce , tra’ stasteche ‘e tette.
‘E feneste ‘e barcune ‘nzertate e’ bucate,
vonne ‘a te’ p’asciutta’!
Settimo cielo, vico d’’o sole,
dimme addo’ staje fatte acchiappa’!
‘Ncoppe’ luggette, sole vullente
vi quanta pece vuo’ sempe squaglia’ !
Mentre io da vascio dint’’a stu’ vico
Quardo speruto stu’ sole e’ passa’!
Nu’ vico astritto senza maje luce,
cecato p’’a vita c’a sparanza e’ campa’.
So’ tutte ‘a budella sti viche ca’ tiene,
sei metre sultanto si vulisse passa’.
Matilda Serrao nu’ murzillo ‘o faciste,
io sempe t'ammiro fuste n''a femmena
'nzista.
Ma’ ‘o prublema ‘e gigante,
‘e ci’avimme arrangia’.
Tanti vasce ,’e criature , pannuline ‘e lettera’,
tutto ll’a int’’o vasce tra’ bucato ‘e cummo’.
Siente 'a voce si vulite ‘o rammaro ?
Chiamma n’a mamma, chiante e’ criature
Sott’e ‘a n’a chiesa chiammata Gesu’ !
Saglio fino ‘a luggeta si abbisto ‘a stu’ sole,
l’aggia’ afforza acchiappa’ !
Stu’ specchietiello c‘a vuje pare niente,
ma quant’’a miracule ca’ me' putria fa’,
vi che riflesso , che bella palomma,
ca me’ zumpetteje tra’ e’ barcune e’ stu’ vico,
Quante si bello sole da’ vita,
Tu strisce sti’ ragge ca me' parene d’oro.
Me’ pare n’’a festa ‘nzertata po’ vico
Tu puorte ricchezza na’ luce e’ calore,
ma’ e’ sule n’istante po’ sparisce 'a tramonto
Sole vribbrante ca m’e faje luocchie abbaglia’!
Passene l’ore, s'addorma 'a tramonte, s’ammosce ‘o sole
‘e s’adda’ ji’ afforza ‘a cucca’!
Co’ sole russagno me’ morta ‘a pallomma,
o’ specchietiello me vire astipa’!
Ma’ io aspetto a dimano, e’ si abbiste ‘o birbante
Aggranfo ‘a lastrella ‘e faccio ‘o sole turna’.
~ Armando Torre ©